Envia per correu-e aquest* Article
Notícies :: educació i societat
Fuelga na enseñanza en tolos IES d'Asturies
per Revolucio	18 nov 2005
La Conseyería d’Educación d’Asturies incumple sistemáticamente la llexislación vixente n’Asturies sobre la presencia de la llingua asturiana na enseñanza:
L’Estatutu d’Autonomía d’Asturies diz nel so artículu 4u: “El bable gociará de protección. Promoveráse’l so usu , la so difusión nos medios de comuicación y el so enseñu,...�, La Llei d’Usu y Promoción del Asturianu aprobada en 1998 diz nel so capítulu 3u, Artículu 9: “El principáu d’Asturies, nel exerciciu de les sos competencies, tien d’asegurar l’enseñu del asturianu y ha promover el so emplegu dientru del sistema educativu...� Artículu 10: “El principáu d’Asturies ha garantizar l’enseñu del asturianu en tolos niveles y graos...� Amás, la Carta Europea de les Llingües consagra’l derechu a l’alfabetización, estudiu y escolarización en toles llingües de la Comunidá Europea. La realidá ye bien diferente, nestos años esto vien incumpliéndose sistemáticamente, lo que ye una agresión continua a los derechos llingüísticos y educativos de miles de estudiantes asturianos y asturianes. La situación actual ye especialmente grave na educación secundaria y bachilleratu onde podemos destacar, como problemes más importantes: 1. L’asignatura d’asturianu apaez como optativa, non como voluntaria como diz la llei, enfrentando’l conocimientu d’asturianu col d’otres asignatures como’l francés, etc. 2. Impónse un cupu mínimu de 8 estudiantes por cursu pa ufrir l’asignatura d’asturianu, lo que vulnera’l derechu individual a cursar l’asignatura, faciéndolu depender de la elección del restu los compañeros y compañeres. 3. Na práctica, na mayoría de los institutos nun se respeta’l cupu. En munchos centros hai grupos de hasta 15 estudiantes que pidieron cursar l’asignatura de llingua asturiana y nun se-yos pon profesor. Oblígase a estos compañeros y compañeres a matriculase n’otres optatives. 4. Nesti cursu escolar, hai bien de centros onde nin siquiera apaez la opción de l’asignatura d’asturianu nos impresos de matrícula, esta situación ye especialmente grave y xeneralizada nos cursos de bachilleratu. 5. En munchos de los pocos centros onde esiste la posibilidá de cursar l’asignatura nun se ta respeando l’horariu reglamentariu de dos hores selmanales que queda reducíu a una hora. 6. En dellos centros danse casos d’alumnos que depués d’empezar el cursu cola asignatura d’asturianu son desviaos forzósamente a otres optatives por decisión de la dirección de los centros. Ente too esto tenemos que dicir que a los y les estudiantes que vivimos n’Asturies ta negándosenos el derechu irrenunciable a conocer y estudiar la nuesa llingua. Seamos o non falantes maternos d’asturianu, la llingua asturiana ye parte principal de la cultura y identidá asturianes y un patrimoniu fundamental del nuesu pueblu.
Mira també: http://www.exunta.org/ http://www.exunta.org/
This work is in the public domain

Ja no es poden afegir comentaris en aquest article.
Ya no se pueden añadir comentarios a este artículo.
Comments can not be added to this article any more