Detención d'un miembru de la Xunta
[01/12/2001] - Xixón
Un miembru de la Xunta Moza foi deteníu na nueche d'hoi polos guardaespaldes de Vicente Álvarez Areces.
A la salida de la clausura del Festival de Cine de Xixón, un miembru de la Xunta foi deteníu cuando protestaba dellantre del Presidente d'Asturies, Vicente Álvarez Areces, pola política qu'esti gobiernu ta desendolcando pa cola llingua asturiana.
El Festival de Cine de Xixón ye un d'estos exemplos. Si hai unos años la presencia de la llingua asturiana nos materiales publicitarios y imaxen d'esti festival yera la norma, asistimos a como'l so usu cada vez perdía espaciu. Na presente edición la llingua asturiana foi condenada a la marxinación más absoluta.
La Xunta pola Defensa de la Llingua Asturiana concéntrase hoi sádadu 1 d'avientu, a les 8'30 hores, dellantre de la Comisaría de Xixón (frente por frente de Naval xixón) pa esixir la puesta en llibertá del so militante reteníu, asina como pa condergar la situación de represión constante y sistemática del gobiernu asturianu del PSOE pa cola llingua asturiana y los sos falantes.
Más información: www.exunta.org
L'ASTURIANO LLINGUA OFICIAL
Fueya lletrónica de la Xunta pola Defensa de la Llingua Asturiana: www.eXunta.org
Postmaster de la Xunta pola Defensa de la Llingua Asturiana: e-xunta@asturies.org www.exunta.org afegir comentaris // añadir comentarios // add comments
|