Envia per correu-e aquest* Article
Notícies :: ecologia
500 días após o afundimento do Prestige
per ADEGA	02 abr 2004
500 días despois do afundimento do Prestige, a situación no litoral é moi preocupante e comezan a notarse os efectos ecolóxicos a longo prazo. O día 2 de abril de 2004 cúmprense 500 días dende o afundimento do Prestige no Atlántico fronte ás costas galegas. Neste tempo podemos destacar unha serie de feitos a nivel ecolóxico que dan unha idea da catástrofe:
- Segue a haber unha gran cantidade de fuel no pecio e máis fuel 'perdido' supostamente en fondos (tal e como amosan as conclusións dunha das 'accións especiais' do Ministerio de Ciencia e Tecnoloxía) e no mar. - Neste senso, as conclusións tiradas das nove accións especiais do programa de intervención científica poñen de manifesto o impacto da marea negra sobre diferentes comunidades e especies de interese comercial e ecolóxico das zonas costeiras afectadas, información que ía publicarse despois das eleccións xerais e que aínda non se fixo, polo que esta información está a ser furtada á opinión pública. -Segue a chegar fuel ao noso litoral e máis ao resto do Cantábrico de xeito irregular. - Existen en Galicia máis de 300 puntos de contaminación extrema por acumulación de fuel, particularmente no litoral comprendido entre a Punta Louro e as Illas Sisargas. Este fuel está a afectar ás comunidades biolóxicas, incluíndo a algunhas especies de interese comercial. -Comezan a facerse patente os efectos que sobre os organismos mariños, en diferentes niveis tróficos, teñen os Hidrocarburos Aromáticos: redución da reprodución, diminución da supervivencia de crías, etc. -En torno a 20 espazos naturais protexidos do litoral galego, fundamentalmente da Rede Natura 2000, están seriamente danados pola contaminación e polos labores de retirada do fuel. Por outra banda, non se tomaron as medidas oportunas para evitar outra catástrofe e paliar os seus efectos (o litoral galego non é unha �rea Marítima Especialmente Sensíbel, non temos un plan de continxencia por contaminación accidental dotado de medios materiais e humanos, non están definidas as áreas de refuxio, tal e como esixe a directiva comunitaria correspondente, etc). Tampouco se coñece con exactitude onde está o fuel que falla, nin se coñece nada sobre os estudos epidemiolóxicos. Como elementos positivos que se derivan do afundimento do Prestige, hai que destacar a mobilización cidadá a prol do medio ambiente, certos labores (non todos) de retirada do chapapote e a creación da Comisión sobre Seguridade Marítima MARE, no Parlamento Europeo na que ADEGA está a xogar un importante papel, e que é esperanazadora para a seguridade do litoral europeo nos próximos anos. Máis información no especial sobre o Prestige da web de ADEGA (www.adegagaliza.org) #6028
This work licensed under a Creative Commons license

Ja no es poden afegir comentaris en aquest article.
Ya no se pueden añadir comentarios a este artículo.
Comments can not be added to this article any more