La concentracion per Georges Ibrahim Abdallah aicest decembre a Lanamesa (Gasconha) es estada un veritable succès. A l'entorn de 200 personas son vengudas sosténer aquel comunista libanés militant de la causa palestiniana, presonièr politic dempuèi 1984, condemnat per aver comés dos atemptats malgrat que jamai i a agut de pròvas.
Fa mai de 26 ans que Georges Ibrahim Abdallah es victima de l'acarnissament de la justícia francesa, malgrat que segon la lei li caldriá d'èsser estat liberat l'an 1999. Totas las demandas de desliurança son estadas refusadas per la justícia, que considèra qu'Abdallah es encara « una menaça per la seguretat » e que « sas conviccions anti-imperialistas e anti-israelianas seguisson intactas ».
La nòstra solidaritat es necessària, mai que jamai, per totes aqueles militants politics que dins l'Estat francés patisson la dura lei de la preson. Dins una presa de paraula, Libertat! a pogut reïterar son supòrt a Abdallah e tanben als
presonièrs còrses e basques de la preson de Lanamesa. Avèm aital pogut remembrar que i pòt pas aver d'autentica lucha anti-imperialista sens prene en compte los pòbles sens estat de l'estat francés.
