Imprès des de Indymedia Barcelona : http://barcelona.indymedia.org/
Independent Media Center
Notícies :: pobles i cultures vs poder i estats
Los defensors de la lenga d’òc s’amassan uèi a Carcassona
24 oct 2009
La manifestacion despassarà los 20.000 participants de 2007

La defensa de la lenga occitana se farà ausir uèi a Carcassona, jus lo lèma Anem Òc!. Los organisators de la manifestacion, que començarà a 14.00 oras, espèran que despasse la darrièra, que amassèt 20.000 participants a Besièrs i a dos ans. Preparada per l'Institut d'Estudis Occitans; lo Felibrige; FELCO; Calandreta e Òc-Bi, n’es la tòca de pressionar los politicians perqué adapten la legislacion francesa a las demandas occitanas (vaicí lo manifèst, pdf).
oc1.jpg
oc2.jpg
Mai precisament, los manifestaires reclaman que la lenga d’òc siá reconeguda per l’estat francés, enlà d’una simpla reconeissença formala de las lengas ‘regionalas’, coma la que se trapa dins l’article 75 de la Constitucion francesa. Concretament, lo manifèst exigís la preséncia de l’occitan dins l’ensenhament, los mejans de comunicacion e, mai generalament, dins l’ensemble de la vida publica.

Se la manifestacion a un biais reivindicatiu, a tanben un biais festiu, e es atal qu’òm a programat un fum d’activitats, entre elas un mercat de productes occitans e de cançons occitanas perqué sián cantadas per tot lo mond. Al final de la jornada i aurà, de mai, un festival de cançon, que ne seran los interprèts Joan-Francès Tisnèr, Claudi Martí, Eric Fraj, Lo Pagalhós e encara mai.

Es lo segon còp que la manifestacion per la lenga occitana se debana a Carcassona. Lo primièr foguèt en 2005, que s’i amassèron 10.000 manifestaires.

La seccion catalana del CAOC, amb sedença a Barcelona, a organisat un autocarri per assistir a la manifestacion que se farà uèi a Carcassona (vaicí lo programa, pdf).
Mira també:
http://www.vilaweb.cat/www/noticia?p_idcmp=3646673

This work is in the public domain

Comentaris

Re: Los defensors de la lenga d’òc s’amassan uèi a Carcassona
24 oct 2009
Sabatilla fora de boca, please!
Re: Los defensors de la lenga d’òc s’amassan uèi a Carcassona
24 oct 2009
Anònim, vés a dormir que el teu nivell cultural no et permet fer res més que apatrullar, i deixa'ns tranquils, a nosaltres, als pages*s i a tot*s!

Aupa OC!
Sindicat Terrassa