|
|
|
Notícies :: corrupció i poder |
|
(N`Ast)Una situación inaguantable.COSAL denuncia
|
|
per COSAL - Uviéu
Correu-e: cosaloviedo@yahoo.es (no verificat!) |
17 set 2009
|
|
El Comité de Solidaridá con América Llatina (COSAL) denuncia públicamente l’incumplimientu reiteráu de les obligaciones del Llar Solidariu, y sobretoo de los miembros de la so Xunta Directiva. |
Segundu comunicáu del Comité de Solidaridá con América Llatina
Celebrada yá a la fuerza l’Asamblea del Llar Solidariu pa echar al COSAL esti 23 de mayu, la Xunta Directiva sigue negándonos, dempués de pidilo varies veces, l’Acta de l’Asamblea colos votos delegaos. La negativa a enseñanos les acreditaciones de los votos delegaos fain qu’a día de güei duldemos de la so llexitimidá y de la so esistencia.
Yá pasaron cuatro meses desque se celebró “l’Asamblea” de la Federación d’asociaciones Llar Solidariu, na que la Xunta pola Defensa de la Llingua (XDLLA), SOS Racismu-Asturies y Xente Gai Astur (XEGA), decidieron d’una manera despótica echanos del Llar y de los locales que compartíamos.
Del procesu de degradación política y organizativa que se vivió no que se llama Llar Solidariu y denunciao una y otra vez dientro pol COSAL hasta llegar a forzar por parte nuestra que se ficiera una Asamblea, onde s’alcuerda la nuestra espulsión, yá falemos nun comunicáu que s’asoleyó en xunu.
COSAL venía pidiendo que se ficiera una Asamblea tiempu atrás. Cuando decidimos esixila formalmente tenemos como respuesta la propuesta d’espulsión del nuesu colectivu por nun pagar les cuotes. Nel so momentu, proponemos a la Xunta Directiva del Llar un alcuerdu de salida negociada esixiendo que se ficiera una Asamblea a la que pudieren dir toles persones que son del Llar Solidariu, aceptando la nuesa espulsión por nun pagar les cuotes y renunciando a los nuesos derechos dientro de la Federación, incluyendo los locales y la infraestructura, Topu Fartón, etc.
Cumplimos la nuesa parte y les nueses esixencies quedaron pa prau: l’Asamblea foi una comedia.
“L’Asamblea” a la que fuimos foi una farsa patética. Siendo por númberu’l nuesu colectivu’l más pequenu, fuimos 13 persones (por supuesto, nun llevemos votos delegaos) y, quitando dalguna escepción honrosa, caltuvimos a pesar nueso’l monopoliu del usu de la pallabra col vergonzosu silenciu ayenu. El restu grupos demuestren nun tener interés en dialogar al dir un númberu pequenu, previu fomentu de la non asistencia y la delegación de votu. Éstes son les cifres:
32 asistentes y 59 votos delegaos
Miembros presentes del COSAL: 13
Miembros presentes de XEGA: 5
Miembros presentes SOS-Racismu: 2
Miembros presentes de XDLLA: 12
Votos supuestamente delegaos aportaos por Julián Alonso (XEGA): 24
Votos supuestamente delegaos aportaos por Eve (XDLLA): 29
Votos supuestamente delegaos aportaos por Mª Carmen Prado (SOS): 6
Pasaron cuatro meses yá dende que sufrimos esti llamentable espectáculu. Cuatro meses llevamos reclamando que la Xunta Directiva nos dea lo que nos pertenez: l’Acta de “l’Asamblea” col correspondiente pliegu de votos delegaos. ¿Por qué nun lo fain? ¿A qué tienen mieu?
Nestos cuatro meses foi infructuosa la comunicación colos responsables d’ellaborar l’Acta de l’Asamblea y de la so entrega cola rellación de votos delegaos debidamente acreditaos: Avelino Fernández González (Presidente), Mª Carmen Prado (Secretaria) y Eve (Ayalgueru y Instructor del Espediente d’Espulsión del COSAL).
Durante esta llarga espera tuvimos que soportar, amás raudos contestadores telefónicos, disculpes y mentires: gracies a la nuesa insistencia díxosenos que nos lo diben dar más alantre, y llueu más alantre, y llueu más alantre.
Esto contrasta cola rapidez que se demostró pa convocar al cerraxeru, que cambió les peslleres tán rápido que cuando na fecha alcordada (15 dempués de l’Asamblea) fuimos a recoyer el nuestru archivu pa desocupar el local común, tuvimos que depender de que nos abrieren coles sos nueves llaves.
Nun conceyu de la Coordinadora Federal alcordose nun entregar esta documentación al COSAL. Esta decisión, que nun se nos comunicó, ye, amás d’inaudita, illegal. Polo demás, vuelve a demostrásenos cual ye la manera de funcionar del Llar.
Tamos cansaos de que nos mientan, de qu’echen de nós pela espalda nos chigres y per internet escondiéndose nel anonimatu.
Nós nun tenemos na qu’esconder.
Yá ficimos públiques les confrontaciones ideolóxiques y organizatives ente COSAL y Llar Solidariu. Güei denunciamos llexítimamente les irregularidaes que sigue habiendo.
COMITÉ DE SOLIDARIDÁ CON AMÉRICA LLATINA
18 de Setiembre de 2009
(Pa más información pue lleese el primer Comunicáu de COSAL-Uviéu equí:
http://www.glayiu.org/?accion=ver&tipo=analisis&id=1731
o tamién equí: http://llarinsolidariu.blogspot.com/ ) |
This work is in the public domain |
