Imprès des de Indymedia Barcelona : http://barcelona.indymedia.org/
Independent Media Center
Notícies :: antifeixisme
Guía Antifascista d'Uviéu (Mocedá d'Izquierda Asturiana)
05 des 2006
Aición de mias>> contra la simboloxía franquista

(video, fotografies y guía antifascista en powerpoint)
Aición de mias>> contra la simboloxía franquista

La organización de mocedá d'izquierda asturianista fexo un actu reivindicativu énte la Estatua de Teijeiro onde presentó la
"Guía Antifascista d'Uviéu"



28/11/2006 >> La organización política xuvenil Mocedá d'Izquierda Asturiana cellebró na tarde del vienres 24 de payares un actu énte la estatua de Teijeiro n'Uviéu. L'aición reivindicativa centróse en trés aspeutos fundamentales. En primer llugar procedióse a facer un embalaxe simbólicu de la estatua de Teijeiro col que se quixo espeyar el deséu de la retirada de los monumentos y señales del réxime que dirixere Franco.

Durante l'actu, miembros de mias>> espardieron ente les y los presentes dellos exemplares de la so "Guía Antifascista d'Uviéu", un documentu nel que se recueyen una bona parte de los elementos que la organización propón retirar, desplicando amás del so asitiamientu, el so significáu y los sos principales protagonistes, al tiempu que se fai una contestualización histórica de caún d'ellos.

Pa finar, lleóse un manifiestu pola retirada de la simboloxía franquista, documentu nel que se recueyen les principales reflexones al rodiu d'esti tema de la propia organización:

>>>

âAlcontrámonos nunes feches nes que toca recordar la muerte del home quâencabezó un réxime que caltuvo esti llugar del mundu durante 40 años baxo una dictadura que tornó la llibertá de desendolcu social, cultural y económicu propiu, una dictadura que traxo la represión, el desaniciu de los derechos individuales y colectivos y l'intentu de destrucción de cualquier identidá y noción concebida por aquellos fascistes como âdiferenteâ? a la de so.

Precisamente, paez quâa lo cabero los tiempos venimos careciendo dâun nuevu surdimientu de movimientos fascistes, qu'ente otres munches repudiables aiciones, vindiquen los fechos y los restos d'esi tiempu tan murniu p'Asturies y pal restu lâEstáu, y qu'inda son bien visibles anguaño nes nueses cais.

Al mesmu tiempu, viense notando un mayor esmolecimientu dende dellos sectores de la sociedá por recuperar la dignidá del bandu perdedor n'aquel 1939 y honrar la memoria de los millones de persones que vieron dende entós pâacá tapecida la so hestoria. Esta llucha pola 'memoria hestórica' de la que tanto se fala güei conlleva necesariamente la retirada de monumentos, plaques y otres parafernalies que siguen nel llugar onde se punxeron va décades, que siguen rindiendo homenaxe a aquellos que derrocaron poles armes un réxime lexítimu, dexando millones de calabres pel camín, somorguiándonos na solombra ya imponiéndonos l'escaezu.

Ãnte esta situación, Mocedá d'Izquierda Asturiana quier sumase a la llucha y desixir la retirada d'esta simboloxía de les cais pa finar con esti llamentable tributu que los culpables del horror fixéronse a sí mesmos, pero que trenta años depués sigue tando más que presente, ofendiendo a tolos afectaos directa o indirectamente poles llaceries del franquismu, ofendiendo a cualesquier persona que nagüe por un mundu nel que lo soberano seya la pallabra y la tolerancia, lâalcuerdu, el respetu, la solidariedá.

Aprovechamos pa dexar bien claro equí que nun mos val nengún parche que se quiera poner a esti compromisu, tal y como quier facer lâactual gobiernu estatal cola nomada âllei de la memoria hestóricaâ?, un mediu camín que nun satisfái a naide y que como vien siendo norma nes politiques de Zapatero, tien lâúnicu oxetivu dâanestesiar, de tapar boques. Pero la nuesa y munches otres, tienen güei más ganes de glayar que nunca.

En mias>> creyemos que la retirada d'esta simboloxía ye inescusable y que l'únicu llugar afayadizu pa estos oxetos ye un muséu de la memoria hestórica onde se faiga'l xustu y más rigurosu recuerdu de los fechos d'esa dómina, finando col ensalzamientu de quien fixeron un dañu tan grande. Gran parte d'esi dañu ye irreparable, pero precisamente por ello y siendo conscientes de la fondura de la firida, equí y güei queremos facer por recuperar la hestoria queâl franquismu quixo remanar y esborrar, esborrando al empar la dignidá de la xente que lluchó por caltener el determín popular de les urnes. Namás lâamnesia puede llevanos a repitir episodios tán llamentables, y ye por eso que tien llugar esti exerciciu dâalcordanza de lo más triste de la nuesa hestoria recién.

Ye hora de poner les coses nel so sitiu, de facer xusticia social volviéndonos la dignidá hestórica que quixeron -y quâanguaño entá della xente quier- quitanos, una xusticia social que ye la única ferramienta útil pa construyir una sociedá igualitaria que nun caya enxamás nos mesmos erroresâ?.

Estaya de Comunicación de mias>>
Uviéu, a 26 de payares de 2006

WWW.MIAS.AS

Descarga la Guía Antifascista en: http://mias.as/docs/Guiantifauvieu.pps
Mira també:
http://mias.as/archivu2006/act26.html
http://www.youtube.com/watch?v=URYLXkkXoY4&eurl=

This work licensed under a
Creative Commons license

Comentaris

Re: Guía Antifascista d'Uviéu (Mocedá d'Izquierda Asturiana)
05 des 2006
Endavant amb els que lluiten!!

Tota la solidaritat internacionalista des dels Països Catalans!!!

Salut!
Re: Guía Antifascista d'Uviéu (Mocedá d'Izquierda Asturiana)
05 des 2006
Fora social democrates de indymedia.Puxa Asturies anticapitalista
Sindicat